Vawiin khan Lawngtlai town sanitation task force chu Lawngtlai DC Conference Hall-ah Mizoram Cleanliness Competition 2019 inbuatsaih dan tur relin an thu khawm.
He thut khawm hi Election Officer Pu Lalremruata Sailo chuan a kaihruai a. Mizoram khawpui fai inelna buatsaih leh tur chungchang sawi chhuah niin, hemi hmachhawn tura hma lakna tur hrang hrangte sawi ho a ni a. National Green Tribunal thu chhuak anga bawlhhlawh sawngbawl dan tur chungchanga kaihhruaina "town specific bylaw on solid waste management" pawh thlir ho nghal a ni.
Chawhnu lamah Deendayal Antyodaya Yojana - National Urban Livelihoods Mission (DAY-NULM) hnuaia Self Help Group (SHG) leh an chhungkaw member-te'n hriselna lama hma an sawn theih nana ruahman Swasth SHG Pariwar hawnna hun buatsaihin, Health Department leh Social Welfare Department hnuaia hamthatna awm thei, Ayushman Bharat - Pradhan Mantri Jan Arogya Yojana (AB-PMJAY) leh Poshan Abhiyan te zir hona workshop buatsaih chhunzawm nghal a ni bawk. Swasth SHG Pariwar hi October ni 2, 2019-ah khar a ni ang.
