2992/2024-2025

Dated Lawngtlai, 14th November 2024 : Lawngtlai District Disaster Management Authority (DDMA)  bultumin vawiin chawhma dar 10 khan Lawngtlai District-ah 'Mock Exercise on Floods and Landslides' tluang taka neih a ni a. Mock Exercise on Landslides hi Pu Cheemala Siva Gipal Reddy, IAS, District bawrhsap kaihhruaina hnuaiah Kaladan Multi- Modal Transit Transport Project (KMMTTP) kawngah neih niin, Mock Excercise on Floods hi Pu Daniel Sailo SDO (Civil) kaihhruainain Bajeisora, Chawngteah tluang taka neih a ni bawk.

Mock Exercise on Landslides nei tur hian mawhphurhna bik nei turin Responsible Officer atan Deputy Commissioner, Head Observer - Project Director, Incident Commander - Addl. Deputy Commissioner, Nodal Officer - SDO (S), Site Incident Commander - Dy. Commandant, 3rd IR Battalion, Thingkah, Information Officer - DIPRO leh Site Observer- CYLA te  ruat an ni.

Mock Exercise on  Landslides neih dan tlangpui : Zing dar 10 ah Pu Cheemala Siva Gopal Reddy, IAS,  Chairman, DDMA chuan Leimin report dawngin, siren tih rik a ni a, SDRF (3rd Battalion IR,Thingkah) chu  chhanchhuah hna thawk turin a tirchhuak nghal a. Nodal Officer, DDMA leh DO, DDMA in DEOC- ah hmanrua tul leh mamawh an endik nghal a, PWD lam chu Leimin thianfai tura hriattir an nih angin JCB tir nghalin leimin hi an thian fai a. Fire Station atangin  lei minna hmunah Fire Truck tirh nghal niin, Superintendent of Police (SP) thupek angin Crowd control leh Traffic Management-tih nghal a ni bawk.

Lei minna hmunah hian DO, DDMA leh Shelter Management Team -ten Medical Aid Post, Staging Area, Incident Command Post leh Base Camp an siam nghal a. Incident Commander hian SDRF te chu lei minna hmuna chhuak turin a tir liam a, lei minna hmunah hian Traffic Control leh Crown Management tih nghal a ni bawk. Hliam tuar chhanchhuah hnathawh (Search and Rescue Operation, SAR) tih tan nghal niin, SDRF- te hian mi -15 an chhanchhuak a ni. Medical Team- ten TRIAGE ti nghalin, hliam zinga mi- 5 chu na neilo an nih ang a  chhuahtir nghal an ni a. Hliam zinga mi - 10 chu First-aid pek niin, an zinga mi-6 chu chhuah an ni leh bawk a. Hliam tuar zinga mi - 4 chu Ambulance hmanga Damdawiina phurh nghal an ni.

Mock Exercise on Floods nei tur hian Pu Daniel Sailo, SDO (Civil) Chawngte chu Responsible Officer atan ruat niin, a kaihruaina hnuaiah  hian Tui lian vanga chhiatna  hrang hrang thleng  laka hmalak dan tur, tih tur leh tihloh turte  kalpuina neih a ni bawk.