Vawiin chhunah khan Lawngtlai DC Pu B.Lalhmingthanga hoin a Office Chamber-ah Lawngtlaia Republic Day hman dan tur rel a ni a. Lawngtlai district-ah chuan Republic Day hi Lawngtlai DC hoin Central YLA Playground-ah hman a ni ang a, chumi hnuah DC Chenna hmunah At Home neih tur in ruahman a ni.

Meeting chuan Republic Day hi kuminah ropui taka hman nise an ti a, Tableau bakah Parade Contingent a tam thei ang ber awm tura ruahman a ni. Republic day hmanna tur CYLA Playground chei that ngai te chu PWD lamin an lo chei tha ang, Hospital leh Home ah te thilpek hlan a ni ang a, ram pum huapa mihmingtha leh hlawhtling, chawimawina hlan tlak an awm chuan hlan ni se tia rel a nih bakah Republic Day Volleyball Tournament buatsaih a ni bawk ang.

Republic Day tluang taka hman a nih theihnan ruahmanna hrang hrang siamin mawhphurtu an inruatfel nghal a. Lawngtlaia Department hrang hrang hotute bakah LADC aiawh leh Tlawmngai pawl aiawhte an tel tha hle a ni.