Sawrkar laipuia National Animal Disease Control Programme (NADCP) hnuaiah a thlawna hri danna pek (free vaccination) hi kalpui a ni a. Ran 2013 hnenah foot and mouth disease (FMD) hri danna pek a ni.
Foot and mouth disease hi ran ke kakho - bawng, lawi, vawk, kel leh beram te natna bik a ni a, natna inkai chhawn awl tak, ran vulhtute tana tlak chhiatna thlen thei a nih avangin sawrkar laipui paw'n a ngaimawh hle a. Ran ke leh ka natna (FMD) bakah brucellosis natna tirem tura hma la turin National Animal Disease Control Programme duangin, kum 2025-ah chuan he'ng natna chi hnih hi khuahkhirh vek a, kum 2030-ah chuan India ram atangin he'ng natnate hi umbo hman a tum a ni.
Tunlai hian thenawm ram Myanmar bakah, Hongkong leh Cambodia-ah te ran natna chi khat African Swine Fever (ASF) a leng mek tih hriat a ni a. He natna hi ranin awlsam taka a kai theih avang leh he natna avang hian ran tam tak an thih tawh avangin he natna laka Mizoram kan him theih nan Mizoram sawrkara AH & Vety Department chuan ram dang, a bikin Myanmar atanga ran lak luh a khap tlat a ni.
