Vawiin hian Lawngtlai khaw chhunga pisa hrang hrang leh a chhehvela zial zu vain Anti-Tobacco Squad ten drive an nei a, zial zu mi 6 manin pawisa an chawi tir hlawm.

National Tobacco Control Programme (NTCP) hmalakna kal zelah Lawngtlaiah pawh Office hrang neiin tunah hian thawktu pawh mi 4 lai dah thar an ni a. Chak zawka vantlang hmuna zuk leh hmuam tih chingte manchuah leh hrem kawngah hmalak tumin an in buatsaih ngawrh hle a ni.

Vawiinah pawh hian a vantlang hmun (Office) hrang hrang 15 tlawh kualin phal lohna hmuna mei zu mi 6 an man a, drive hi chhunzawm zel turin ruahmanna siam a ni bawk. Vawiina Drive neite hi NTCP Lawngtlai Office a District Consultant K. Hmingthansangi’n a ho a ni.