Sawrkar laipui Department of Personnel & Training leh Administrative Training Institute (ATI) Mizoram tang kawpin Lawngtlai District chhunga state sawrkar leh District Council hnuaia thawktu Group B leh C te tana “Induction Training Programme” an buatsaih chu vawiin khan Lawngtlai DC Conference Hall-ah Lawngtlai Bawrhsap Dr Arun T., IAS chuan a hawng.

Lawngtlai Bawrhsap chuan hna reng reng thiam tak ni tur chuan zir tam leh training neih tam a pawimawh tih sawiin, tuna ATI-in Lawngtlaiah ngei lo kal chilha induction training an rawn buatsaih chu lawmawm a tih thu leh District tan hmasawnna a nih ngei a beisei thu a sawi a. Training-a telte chu an thil zirte ngun taka zir a, hlawkpui leh tangkaipui tum ngei turin a chah a ni.

He induction training hi October ni 23 – November ni 4 chhung awh tur a ni a. ATI Aizawl-a Associate Professor Pi Golda Dell Zohmangaihi chu Course Coordinator niin, ani ho hian training hi neih a ni ang.