October ni 29, November 5 leh November 11 ah te hian SIPMIU (NERCCDIP), Aizawl ten Vaivakawn Traffic Point bul atanga Zohnuai peng inkar kawngpui dungah Water Supply Pipe-line phum hna thawh an thawk dawn a. Hnathawh hun zing dar 8:30 atanga tlai dar 5:00 chhungin helai kawngpuiah hian lirthei khalhtuten kawngpuia hnathawktute ngaichang chungin lirthei an khalh tur a ni.
October 30 leh November 11 ah SIPMIU vek hian Bawngkawn Presbyterian Biak In atanga Thuampui Helipad panna (Bawngkawn Hmarveng) kawngah Water Supply Pipe-line phum hna an thawk dawn a. Heng ni ah te hian zing dar 8 atanga tlai dar 5 inkarah helai kawngpuiah hian lirthei eng chi mah tlan phal a ni lo.
He thupek hian chhiatrupna thil kangmei leh emergency kaihhnawiha duty leh dan leh thupek pawimawh bika duty-te chetvelna a huam lo ang. He thupek hi a tul dan a zirin traffic police ten an ti danglam thei ang.
