198/2023-2024

Tau thla ni 24, 2023: Vawiin khan Lawngtlai DC Conference Hall-ah Lawngtlai Bawrhsap, District Election Officer Pu David Lalthantluanga hovin Chakma Autonomous District Council (CADC)-a Member of District Council (MDC) Inthlanpui, 2023 lo awm tur atana inpuahchahna kal mek thlir ho niin, hma lak zui zel dan tur sawi ho a ni.

Lawngtlai DEO Pu David Lalthantluanga chuan inthlan felfai leh muanawm tak a awm theih nan district council-te leh sawrkar department hrang hrangte thawhpuina ngenin, zavaia tan hona atang chauhvin inthlan hlawhtling taka buatsaih theih a ni ang, a ti.

He hunah hian election official-te, LADC, CADC leh state sawrkar department hrang hrang official-te leh mobile service provider-te an tel a. CADC Inthlanpui, 2023 neih tura department leh agency hrang hrangte'n an mawhphurhna tihlawhtling tura an hma lak dan report pein, hmachhawp hrang hrang sawi ho zui a ni bawk.