No.3327/2020-2020  

Lawngtlai, Vawkhniahzawn thla ni 22, 2020: Environment, Forests & Climate Change (EF&CC) Department hnuaia Chhimtuipui Wildlife Division, Lawngtlai te'n Wildlife Guard, Forester leh Forest Guard te tana ni thum awh wildlife management training an buatsaih chu vawiin khan Lawngtlai Press Club-ah tan a ni.

Training hawnnaah hian Chhimtuipui Wildlife Division-a Deputy Conservator of Forests Pu Samson Thanruma chuan an enkawl wildlife area chhungah nungchate humhalhna dan chu khauh taka ken kawh a nih tur thu sawiin, sapel mite leh sava veh thinte chu dan anga man a, thubuai siamsak zel an nih tur thu a sawi a ni.

He training ni thum awh turah hian mi thiamte'n ramngaw leh nungcha humhalhna kawnga hriat tur pawimawh hrang hrang te, pawi khawihtute chunga dan lek kawh chungchang te, thubuai ziah luh dan leh dan bawhchhetute man chungchanga hriat tur te zir ho a ni dawn a. Wildlife Protection Act, 1972 leh CrPC provision bakah, wildlife technique hrang hrang, field-a duty-te tana hriat tur pawimawhte pawh zir ho tura ruahman a ni.

He training-ah hian Chhimtuipui Wildlife Division-in a enkawl Phawngpui National Park leh Ngengpui Wildlife Sunctuary-a thawk Wildlife Guard, Forester leh Forest Guard te an tel a ni.