Nimin (26.11.2016) khan Nehru Yuva Kendra (NYK), Lawngtlai buatsaihin Constitution Day 2016 chu BCM, Electric Veng, Lawngtlai Sande Sikul Hall-ah Thalai Kristian Pawl (TKP), Electric Veng Unit te nen hman a ni.

He hun hi Unit TKP Secretary Pu Teddy Lalrinliana Aineh chuan kaihruaiin, Unit President Pu Lalmawizuala Renthlei-in hunserh a hmang a. NYK Lawngtlai Youth Co-ordinator Pi Mercy Sellate chuan hun hman chhan leh NYK hma lakna tlangpui a sawi a. Lawngtlai DIPRO Pu C.Lalhruaitluanga'n India ram danpui (Constitution) chungchang leh a pawimawhna te sawiin, NYK Lawngtlaia Multi Tasking Staff Pi K.Lalhmachhuani'n lawm thu sawiin hun a khar a ni.

Constitution Day hi November ni 26, 1949-a India Danpui pawm a nih hriat reng nan leh a pawimawhzia inzirtir ni atan kum tin November ni 26-a hman tura tih a ni a. Nikum 2015 khan a vawi khat nan hman tan a ni.

Attachment

  • Loading attachment...