1117//2023-2024

2023 Vawkhniahzawn thla ni 12: Vawiin khan Mizoram Legislative Assembly Inthlanpui 2023 lo awm tur atana inpuahchahna kal zelah Lawngtlai Election Officer Pu Denny Lalchhuanawma hovin a office chamber-ah Lawngtlaia zirna in hrang hranga Electoral Literacy Club (ELC) te hma lakna kalpui dan tur sawi ho a ni.

He hunah hian District SVEEP Nodal Officer, Lawngtlai DIPRO Pu C. Lalhruaitluanga bakah, Government Lawngtlai College, Govt Region Higher Secondary School leh Lairam Higher Academy of Science (LAHAS)-a ELC teacher incharge-te an tel a. Election Officer Pu Denny Lalchhuanawma chuan Election Commission of India (ECI) aṭanga ELC hma lakna tharthawh tura thuchhuah a awm thu leh Lawngtlai District-ah pawh hemi bawhzui hian hma lak chhoh a ṭul thu a tar lang a. He'ng zirna in pathumah te hian ELC din tawh sa leh hma lakna pawh lo kalpui ṭhin tawh a nih angin, tun ṭumah pawh hian MLA Inthlanpui lo awm tur thlir chungin ngawrh zawka hma lak chhunzawm ni se, tih a ni a. Hma lakna tur hrang hrangte sawi ho nghal a ni.