Vawiin khan Fire Prevention Week 2018 chu Lawngtlai DC Conference Hall-ah DRDA Project Director Pu R. Lalremsanga'n a hawng.

Khuallian Pu R. Lalremsanga chuan kum tin ram kang vanga ramngaw chereu thin chu vei tak tea vei a tul thu sawiin, ram kang venna kawngah tun aia nasa zawka thanharh leh tan lak a pawimawh thu a sawi a. Ramngaw humhalh leh kangmei laka ven chu khua leh tui thate'n kan tih tur a ni, a ti.

He Week hawnna hi Deputy Conservator of Forest (WL) Pu PC Lalchhandama'n a kaihruai a. Thu sawi bakah hian zaithiam zai te ngaihthlak a ni.

Vawiin Fire Prevention Week hawnnaah hian sawrkar department hrang hrang leh LADC-a officer te, VC leh tlawmngai pawl lam te an tel.