No.2473/2020-2020

Lawngtlai, Nikir thla ni 26, 2020: Fisheries Department, Lawngtlai District chuan vawiin khan Lawngtlai District chhunga sangha dil siamtute hnenah tanpuina an sem.

MUP Recreation Hall, Lawngtlaia tanpuina semna hun hmanah hian District Fisheries Development Officer Pi Lalremsangpuii chuan tanpuina dawngtu kal khawmte chu an tanpuina dawnte chu a nih tur ang taka hmang a, hlawhtlinpui ngei tum turin a chah a. Sangha dil siam dan chungchanga thil pawimawhte a hrilhfiah bawk.

Vawiina Lawngtlai District Fisheries Department-in tanpuina an sem hi Blue Revolution Scheme hnuaiah niin, kum 2018-19 leh kum 2019-20 atan a ni a. Tanpuina dawngtute hi an zavaiin mi 50 an ni.

He tanpuina an sem hi chi nga (5) niin, heti ang hian sem a ni:

1. Fishermen house (thlam sakna) - 10 nos
2. Rearing pond (dil awm sa enkawl zuina) - 23 nos
3. New pond (dil thar siamna) - 10 nos
4. Water logged (kawr dawlna) - 5 nos
5. Carp hatchery (sangha chi siamna) - 2 units

Carp hatchery hi sangha chia Lawngtlai District a intodelh theih nana ruahman niin, beneficiary-te hi Vawmbuk leh Siachangkawn khua an ni.