Nimin (11.10.2018) khan Taxation Department, Lawngtlai District huaihawtin Lawngtlaia BNRGSK Hall-ah Goods & Services Tax (GST) hnuaia sawrkar department-te'n Tax Deduction at Source (TDS) an lak dan tur zir hona buatsaih a ni.
He hun hi Lawngtlai District Deputy Commissioner of State Tax Pu H. Vabeitha chuan a kaihruai a. Kal khawmte lawmna leh training hawnna thu sawiin, chhiah chu sawrkar sum hmuhna hnar pawimawh tak pakhat a nih avangin sawrkar hna thawkte'n kan ngaih pawimawh a tul a, kan mawhphurhna pawh a ni bawk, a ti.
He training-ah hian state sawrkar leh LADC hnuaia department hrang hrang DDO leh accountant/cashier thahnem tak an kal khawm a. State Tax Officer Pu ES Lalthlamuana leh Pi Vanlalruati te'n GST tax deductor tana registration tih dan, TDS deduct dan, GST Return file dan leh hriat tur pawimawh hrang hrangte an sawifiah a. Zawhna leh chhanna leh sawi hona hun hlawkthlak tak hman a ni bawk.
GST hnuaiah hian TDS hi ni 1.10.2018 atanga hman tan a ni tawh dawn a. Sawrkar, local authority leh institution hnuaia contract/supply Rs nuaihnih singnga (Rs 2.5 lakh) chin chung lamah chuan TDS 2% lak (deduct) zel tawh tur a ni.
Attachment
- Loading attachment...
