Vawiin khan Lawngtlai DC Conference Hall-ah kan hma lawk March ni 6 a lo thleng tur Chapchar Kut 2015 hman dan tur Addl. DC Pu R. Lalsangluaia hovin rel a ni.
Kum danga tih thin angin kumina Chapchar Kut pawh hi a hmingah Hlukhla Chapchar Kut tia vuah a ni a, Hlukhla Kut hi Lai fate kut ropui ber te zinga mi niin Chapchar Kut nen hian a rual Lawngtlaiah hian lawm thin a ni.
Hlukhla Chapchar Kut hi Central YLA Hall ah hman tura ruahman a ni a, Kut thlengtu tur chu Lawngtlai Bawrhsap Pu J. Hmingthanmawia niin Kut Pa atan hian a remchan dan angin Minister emaw Parliamentary Secretary emaw sawm nise an ti bawk.
Chapchar Kutah hian Hnam ze pho chhuak thei zai leh lam, incheina leh show chi hrang hrang a tam thei ang bera phochhuah nise an ti a, chanvo chi hrang hrang siamin a buai puitu tur bikte pawh an in ruat nghal bawk a ni.
