3034/2024-2024

Dated Lawngtlai, 15th November 2024 : Vawiin chawhma dar 11 khan Lawngtlai District tana Pradhan Mantri Dahrti Aaba Janjatiya Gram Utkarsh Abhiyan (PM DAJ-GUA) Campaign-hawnna inkhawm DC Conference Hall-ah neih a ni a. Pu Cheemala Siva Gopal Reddy, IAS, district bawrhsap chuan Campaign hi a hawng.  

Pu Cheemala Siva Gopal Reddy, IAS, chuan PM DAJ-GUA hawnna inkhawma lo kalte hnena lawmthu sawina a nei hmasa a. India sawrkarin Tribal- te dinhmun leh mamawh hriain hmasawnna kawng hrang hrangin a kalpui tawh thin a, chutih rualin hamthatna dawng thei dinhmuna ding la dawng kim si lote an tam hle a, chûng mite tan chuan he scheme hi duanchhuah a lo nita a ni, a ti. Bawrhsap chuan Mizoramah Tribal population a sang hle avangin he scheme tha taka kalpui a nih chuan ram leh hnamin nasa takin hmasawnna a hmu thei dawn a ni, a ti. 

Pu Cheemala Siva Gopal Reddy, IAS, chuan Lawngtlaia PM DAJ-GUA kalpui tura khua-73 thlanchhuah a nih thu a tarlang a. He scheme hnuaia za a za hlawhtlinna hmu turin line department hrang hrangte an pawimawh hle tiin, sawrkarlaipui atangin a hrana sum leh pai an hmu tur thu a sawi bawk. Bawrhsap chuan PM DAJ-GUA hnuaia hmasawnna kalpui tur hrang hrang zingah kawngpui leh a kaihhnawih siamthat, buh leh thlai thar lama hmasawnna te, zirna tha a awm theihna tura hmalaknate bakah hriselna kawnga hmasawnna tur hrang hrangte chu ngaihpawimawh zual a nih tur thu a sawi. Lawngtlai district mipuiten PM DAJ-GUA kaltlanga hamthatna an hmuh a, chhungkua leh khawtlang hmasawnna a thlenna tura theihtawp chhuah turin line department zawng zawngte theihtawp chhuah turin a sawm nghal bawk.

Pu Zoramsiama Hmar, Addl.DC chuan Pradhan Mantri Dahrti Aaba Janjatiya Gram Utkarsh Abhiyan (PM DAJ-GUA) sawi zauna a nei a. Mission Antyodya in khaw hrang hranga zirchianna an neih hnua chhawmdawl ngai awm an hmuh atanga he scheme hi lo piang a ni tih sawiin, kum 5 (2025-2028) chhunga kalpui tur niin Ministry- 17 an tel a ti a. He Scheme hi State-26 leh UT-4 a kalpui tur niin, PM DAJ-GUA hlawhtling taka kalpui turin sawrkarlaipui chuan cheng vaibelchhia -79,156 a dah thu a tarlang bawk. Addl. DC chuan PM DAJ-GUA- chu sawrkarlaipui, State, District leh Block Level-ah kalpui a ni dawn a, Block Level - hi a tak taka kalpuina tur a nih angin, line department-te chu BDO - te hmang tangkai thiam turin a chah. 

Pradhan Mantri Dahrti Aaba Janjatiya Gram Utkarsh Abhiyan (PM DAJ-GUA) hi Sawrkarlaipuia Ministry of Tribal Affairs hnuaia scheme pawimawh tak niin, State -26 leh UT- 4 ah kalpui tur a ni a. He scheme kalpui tur hian Sawrkarlaipuiin cheng vaibelchhe- 79,156 a dah niin, thingtlang khua-63,843 ah kalpuii a ni ang a, hmathatna dawng tur vaibelchhe -5 aia tam an awm dawn a ni.

Vawiin Pradhan Mantri Dahrti Aaba Janjatiya Gram Utkarsh Abhiyan (PM DAJ-GUA) Campaign - hawnna inkhawmah hian Line Department - hotute sn tel tha hle a, Pu Dinesh Kumar Muhal, IAS, SDC, chuan lawmthu sawina neiin hun a khar.