Vawiin khan Lawngtlai DC Conference Hall-ah Bawrhsap Pi Shashanka Ala, IAS hovin Lawngtlaia Independence Day 2019 hman dan tur rel a ni a. Sawrkar department, zirna in leh NGO hrang hrang ai awhte an tel.

Meeting chuan kumin Independence Day lawmna hi Lawngtlai AOC Playground-ah chawhma dar 10:30-ah hman ni se, tiin a rel a. Kum dang ang bawkin parade contingent – armed, unarmed, school leh band party hrang hrang atanga nei lehin, endiktu leh a ti thate hnenah lawmman sem leh ni se, tih a ni. 

He hunah hian Independence Day lawmna atana thil pawimawh hrang hrang sawi ho niin, department leh tlawmngai pawl hrang hrangte hnenah mawhphurhna sem rual a ni a. A ni-ah hian sawrkar office, zirna in leh sawrkar quarters-ah te hnam puanzar zar vek tura tih a ni.

He'ng bakah hian Independence Day lawmna pualin football, badminton leh chess tournament te buatsaih rem tih a ni a. Department hrang hrangte'n lawmman sem tur an neih ang ang he hunah hian sem ni se, tih a ni a. Chhawmdawlna in thlan bikte hnenah tanpuina thilpek pek leh ni se, tih a ni bawk.