Nimin khan Lawngtlai Council VengaLADC Hall-ah District Industries Centre (DIC) Lawngtai hnuaia NLUP 4th Phase dawngtu mi 162 hnenah tanpuina 2nd instalment sem  chhuah a ni.

Khuallian, LADC CEM Pu T. Zakunga chuan mi retheite chawikan nana sawrkarin NLUP a duang chu lawmawm a tih thu sawiin, tanpuina sum chu a nihna tur taka hmang turin NLUP dawngtute chu a chah a. Mahni tan mai ni lo, ram leh hnam din chhuahna leh intodelhna atana hlawhtlinpui chu a dawngtute mawhphurhna a ni, a ti. Thu a sawi zawhin Khuallian chuan tanpuina a sem zui nghal bawk.

Industries hnuaia NLUP 4th Phase tanpuina 2nd instalment hi petty trade-ah mi 104, hair cutting-ah mi 6, desktop publishing-ah mi 22, photography-ah mi 7, motor workshop-ah mi 2, tailoring-ah mi 4, steel fabrication-ah mi 2, carpentry-ah mi 10, tinsmithy-ah mi 1, bakery-ah mi 2 leh beauty parlor-ah mi 2, an vaiin mi 162 te hnenah Rs 83,17,500/- sem a ni a. Lawngtlai khawpui pawn lam mi 82 chu a pawisa faia pek niin, Lawngtlai khawpui chhunga awm mi 80 te chu an bank account-ah thunsak an ni.

He NLUP semna hun hi Lawngtlai DIC-a Functional Manager Pu C. Dokulha’n a kaihruai a. LADC atangin Executive Secretary Pu H. Lalramenga’n a telpui bakah, Congress Party hruaitu thenkhatte’n an telpui bawk.