1890/2023-2024

Lawngtlai dated 15th September 2023: Vawiin chawhma khan Lawngtlai Helipad-ah kar hnih awh tur faina hnatlang ‘Swachhata Pakhwada’ chu Deputy Commissioner Office leh Sanitation Department, LADC tangkawp buatsaihin kalpui tan a ni a. Pu Lalropuia Chinzah, Executive Member, Sanitation Department, LADC chuan hnatlang tur a thawkchhuak NSS, Government Region Higher Secondary School zirlai naupangte vailiamin he hun hi Dr. Dorris Lalrinawmi, SDC in a kaihruai a ni.

Pu Lalropuia Chinzah, Executive Member, LADC chuan Lawngtlai khawpui chu faina kawng a entawntlak khawp a siam turin kalkhawmte a chah a, ‘Indian Swachhata League 2.0’ kaltlang a zirlai thalai rual faina kawng a hmahruaitu ni tur a an lo penchhuak chu lawmawm a tih thu a sawi. Hmasawnna awm tur chuan faina leh hriselna a awm hmasak a tul thu Pu Lalropuia Chinzah chuan sawiin faina chu mimal atanga intanin, kan chenna leh a vel theuh kan tihfai chuan khawtlang fai leh hrisel siam a nih theih thu a sawi bawk a ni.

Lawngtlai Helipad a hnatlang vailiamna hun ah hian Pu Lalbiakzauva, Programme Officer, NSS kaihruaina in faina kawng a hma la tur a thutiam lakna hun hman niin Helipad-a bawlhhlawh awmte then fai nghal a ni a. Zirlaite hi Team 3-a inthenin vawiin hian Helipad leh Chandmary inkar, Helipad leh Bazar veng inkar leh CYLA Playground leh a velte an tifai a ni.