Vawiin khan Lawngtlai DC Conference Hall-ah Lawngtlai District chhunga Chawngte, Bungtlang S leh Lawngtlai Block khaw thenkhata Village Council, Village Water & Sanitation Committee (VWSC) leh tlawmngai pawl ai awhte tan Trainer's Training of Motivators buatsaih a ni a. Swachh Bharat Mission (Gramin) hma lakna chungchang leh training-a telte’n hma an lak zui dan turte zir ho a ni.
He hun hi PHE Lunglei Circle-a Superintending Engineer Er H. Duhkima, Lawngtlai District SBM(G)-a Vice Chairman ni bawk chuan a kaihruai a. PHE Chief Engineer, Mizoram SBM(G) Mission Director ni bawk Er C. Lallunghnema leh PHE Rural Cell-a Executive Engineer Er K. Zohmingliana te’n zirtirna hi an pe a. Sawi hona leh zawhna leh chhanna hun hman a nih hnuah, Lawngtlai PHE Executive Engineer Er Laltlanchhunga’n lawm thu sawiin, hun khar a ni.
He training hian a tum ber chu SBM(G) hma lakna hlawhtling zawk leh awmze nei zawka kalpui a nih theih nana mahni khaw mipuite zirtir chhawng thei turte kaihhruai a ni a. Hemi atan hian training-a telte chu thianghlim zawka inthiar dan te, tui hman dan dik leh SBM(G) atanga inthiarna in sak enkawl zui dan tur te zirtir an ni a. Anni hian an khaw mipuite hmin turin tan an lo la ve dawn a ni.
