Vawiin khan LAD Conference Hall, Mamit-ah Pu V.L Robiaka, MLA Chairman ZIDCO chuan District Rural Development Agency, Mamit District huaihawta buatsaih Sankalp Se Siddhi Abhiyan New India Manthan chu khuallian niin a hmanpui.

He hun hmanpuitu Pu V.L Robiaka chuan India in hmasawnna kawng hrang hrangah hmel thar a hmuh theihna turin Ministry of Rural Development leh Panchayati Raj hnuaiah Proramme hrang hrang duan a ni a, Sankalp Se Siddhi Abhiyan pawh hi he hmalakna hnuaia mi hi niin India ramin kum 5 chhungin hmasawnna hrang hrang kan rama retheihna, chi leh chi inthliarna, hlemhletna umbo-a faina kawngah hma kan sawn theih nana hmalakna tur a nih thu a sawi.

ZIDCO Chairman chuan India ram ropui tak tiropui zual zel turin kan theihna zawn theuhah tan lakna tur kan nei a ni tiin Sorkar laipui atanga hmasawnna lokal hrang hrangte a nihna tur ang leh Sawrkar duhdan ang taka hmang turin Schemes hrang hrang atanga tanpuina dawngtute a chah a, hei lo hi ramdang kan nei chuang lo a ni tih rilru pu-a, zalenna hnuaiah ram hmasawnna tura pheikhai rual taka kal tlang turin kalkhawmte a sawm  bawk a ni.

Pi Lalbiaksangi District Bawrhsap pawhin thu sawiin kan Prime Minister zahawm takin India ram leh kan State pawhin hmel thar kan hmuh theihna turin nasa takin hma a la chho mek zel a, Swach Bharat Mission hnuaiah pawh Mamit District pawhin hma la chhoh zelin Mamit District chu pawnlera inthiar awm lohna ODF a puan thuai turin hna thawh chhoh mek zel a ni a ti.

Pu Lalhmingliana BDO, West Phaileng leh Pu Lalnunfela Chawngthu BDO, Zawlnuam te chuan he schemes hnuaia hmalakna tur khawtlang, mimal leh a kaltlang department-te lo inbuatsaihna tur hrang hrangte a lem nen kalkhawmte zirtirna an nei a. Zawhna leh chhanna hun hman zui a ni bawk.

He  Sankalp Se Siddhi Abhiyan New India Manthan hi Pu Lalrinpuia Account Officer, DRDA Mamit chuan kaihruaiin kalkhawmte’n New India Pledge thutiam chhiar rualna leh intiamna hmingziak neih a ni a.  Mamit khawpui chhunga Department hrang hrang hotute, khawtlang hruaitute, Tlawmngai pawl hrang hrang MHIP, MUP, YMA leh MJA atangte leh District chhung khaw thenkhata PMAY Beneficiaries te an tel a ni.

Attachment

  • Loading attachment...