1. Mizoram Sorkar thuchhuah Preliminary Notification No.B.12012/20/2013-FTS. Dt.24.7.2017 a tarlan angin Dampa Tiger Reserve zauh nan Wildlife (Protection) Act, 1972 dan tlawhchhanin Serhmun Village Council Area, Mamit District chu rin luh tum a ni a. Ram zauhna tur ramri huam chin chu Para 5-naah tarlan a ni.
2. Dampa Tiger Reserve huam chin zauhna turah hian Section 18 leh Section 19-25 Wildlife (Protection) Act, 1972 in a tarlan angin, ram lak tur huam chhungah hian mimal leh pawl, ram, in leh lo chunga neitu nihna nei an awm leh awm loh hriat a tul a.
3. Chuvangin, Pi Lalbiaksangi MCS, Deputy Commissioner/ District Magistrate, Mamit District chuan Section 21, Wildlife (Protection) Act, 1972 in a tarlan angin he thuchhuah hi a siam a ni.
"Wildlife (Protection) Act, 1972 Section 19-in a phut angin ram lak tur huam chhungah pawl emaw mimal emaw, in leh lo, ram chunga neitu nihna hauhtute chuan Thlahnih (2) ral hma emaw 2/10/2017 ral hma ngeiin Deputy Commissioner hnenah ziakin an thil neihte kimchang takin an thehlut tur a ni. Lehkha thehluttu chuan LSC/ Periodic Patta (attested copy) te, affidavit hmanga a ram chuh buaitu an awm loh thu ziahna bakah, a ram huamchhunga In leh Lo, thlai leh thil hlu inbun nghet tawh awmte kimchang takin a tarlang tur a ni a, ama ngaiha a hlutna te a rawn thil tel bawk tur a ni."
4. Ram lak tur chin chu a hnuaia mi ang hi a ni:-
Area hming : Serhmun VC huamchhung ram.
Tiger Reserve hming : Dampa Tiger Reserve
Location : Dampa Tiger Reserve ri, Serhmun VC huamchhung a ram pumpui, Zawlnuam RD Block, Mamit District hnuaia mi.
Area : 45 Sq.Km (Approx)
5. Hmar lam :- Serhmun Village Council huamchhung hmar lam ramri hi Gunda lui atanga intanin, Aitam Lui dung zawh chhovin Serhmun- Bunghmun PWD Road ah, PWD Road atang hian hmar lamah zel kalin ramri lui hnarin PWD Road a finna thleng a huam a. Ramri lui dung zawhthlain Bakpuk Lui thleng, Bakpuk Lui dung chho lehin Thuamluaia lo rauhsan thleng, Thuamluaia lo atangin hmar lamah 209m a thui kal lehin Luite dam hnar thleng, Luite dam atangin lui dungah chhukthla lehin Sengmatawk lui thleng khawchhak lam Serhmun Village Council Area ramri luite dam atanga intanin Sengmatawk Lui thleng, Sengmatawk lui dung zawh chhovin Thlerpui lui thleng, Thlerpui lui dung zawh chhovin Tuilutkawn -Serhmun PWD Road a finna thleng.
Chhak lam :- Khawchhak lamah Serhmun VC ramri hi Luitedam leh Sengmatawk Lui infinna laiah intanin, ramri hian Sengmatawk luidung zawh chho in, Thlerpuilui leh Sengmatawk Lui infinna laiah a tawp a. Heta tang hian Thlerpuilui dung zawh chho lehin Tuilutkawn- Serhmun PWD Road thleng a huam a ni.
Chhim lam :- Serhmun VC Area chhim lam ramri hi Thlerpuilui leh Tuilutkawn to Serhmun PWD Road intawhna atangin a intan a, PWD Road hi hmar lamah zawh zelin Dampa Tiger Reserve hmar lam Boundary Pillar thleng, heta tang hian khawthlang lam Theichhungsen lui thleng, Theichhungsen lui dung zawhthlain Kikawn mual thleng.
Khawthlang lam :- Tuichhungsen lui leh Kikawn mual peng intawhna atanga intanin, hmar lamah kalin Theitit Lui dung zawh chhovin a hnar thleng, mual tanin Banruhtliah Lui hnar thleng, Banruhtliah Lui dung zawhthlain Gunda lui thleng, Gunda lui dung zui zelin Aitam Lui thleng.
