3789/2022-2023
Vau thla ni 8, 2023: Vawiin hi 'Khawvel Pum Huap Hmeichhiate Ni' (International Women's Day) a ni a. Lawngtlaiah chuan District Programme Officer (ICDS), Child Development Project Officer Lawngtlai leh One Stop Centre te huaihawtin CDPO Office, Electric Veng, Lawngtlaiah hman a ni.


He hun hi District Mission Co-ordinator Pi F. Lalengvari chuan a kaihruai a. Resource person, Pi Rebec Laldawmdingi, Superintendent, Swadhar Greh chuan "DigitALL : Hmasawnna thil thar leh khawl hmanga thiamnate hmeichhia leh mipa intluk tlanna atan" tih thupui thlan sa hmangin thu a sawi a. Lawngtlai CDPO Pu Zothanmawia Hnamte chuan thu sawi bawkin, Women & Child Development hnuaia Scheme hrang hranga hriat tur pawimawh chungchangah kal khawmte aṭanga zawhna leh chhanna hun hman a ni bawk.


Vawiin International Women's Day hmannaah hian Lai Women Association (LWA) leh Mizo Hmeichhe Insuihkhawm Pawl (MHIP) ai awhte leh Lawngtlai khawpui chhunga anganwadi worker-te an kal khawm a. DPO office-a District Programme Assistant Pu Z. Laldinhuala chuan lawm thu sawiin hun a khar a ni.

Attachment

  • Loading attachment...