State Election Commission (SEC) ruahmanna anga Lai Autonomous District Council (LADC) hnuaia Village Council (VC) pahniha hmun ruak pathum hnawh khah nana by-election neih tura hman tur final electoral roll chu vawiin khan 37-Lawngtlai West Constituency-a Electoral Registration Officer (ERO) Pi Rochuangkimi Khenglawt, MCS chuan a office chamber-ah a tlangzarh a. Roll hi political party ai awhte hnenah a hlan nghal.

Final electoral roll-a a lan danin, LADC hnuaia 26-Hmunnuam Village Council-ah vote nei mipa 174 leh hmeichhia 167, an vaiin voter 341 an awm a, draft roll atanga a punna hi voter 53 a ni. 50-Kakichhuah Village Council-ah vote nei mipa 78 leh hmeichhia 92, an vaiin voter 170 an awm a, draft roll atanga a punna hi voter 10 a ni thung. Hmunnuam VC-ah hian hmun ruak hnawh khah tur pakhat awmin, Kakichhuah VC-ah hian hnawh khah tur pahnih a awm bawk.

Final electoral roll atana draft electoral roll siam that laite enfiah duh tan ERO office-ah office hun chhungin enfiah theih reng a ni.

Attachment

  • Loading attachment...