Vawiin kha India zalenna suala martar tate hriat rengna ni (Martyr's Day) a ni a. Lawngtlaiah chuan urhsun taka hman a ni.

A hmanna pui ber Lawngtlai DC Conference Hall-ah chuan Addl DC Pu H.Dolianbuaia hovin chawhma dar 11-ah hun hman a ni a. Lawngtlai DC office-a thawk officer leh staff te kal khawmin, chawhma dar 11-a siren tihrik a nih rualin martarte zahna entir nan leh chibai buk nan minit hnih chhung ngawi reng leh che lova din a ni.

DC office tuala siren tihrik bakah hian Lawngtlai khawpui chhung hmun thum dangah siren tihrik bawk niin, mipuite'n thawm riva an siam loh nan leh lirthei che vel a awm loh nan police an duty a. Lawngtlaia sawrkar office hrang hrang leh mipuite'n an hna thawh lai minit hnih chhung chawlin martarte zahna an lantir a ni.