1466/2023-2024

2023 Thlazing ni 11: India ramin zalenna a hmuh a?anga kum 75 a tlin lawmna, Azadi Ka Amrit Mohatsav (AKAM) hmawr bawkna atana ruahman, "Meri Maati Mera Desh" campaign chu vawiin khan Lawngtlai District tan Lawngtlai Bawrhsap Pu H. Lalhmingthanga'n Lawngtlai DC Conference Hall-ah a hawng.

Lawngtlai Additional Deputy Commissioner Pu Abraham Beirazi Khithie kaihhruai Meri Maati Mera Desh campaign hawnna hunah hian Khuallian, Lawngtlai Bawrhsap Pu H. Lalhmingthanga chuan India ramin kum 75 a tling chho thei chu ram mipuite inlung rualna rah a nih thu a sawi a. India ram zau taka hnam hrang hrang awmte'n kan ram India kan hmangaihna zual deuh deuh se a duh tih sawiin, neitu kan nihna tihlan nana hma lakna tur hrang hrang duante chu a bawhzui turte'n ?hahnem ngai taka an bawhzui a pawimawh a ni, a ti a. Hma lakna tura ruahmante chu tuna mite leh he rama lo awm zel turte tan a ni tih hre reng chunga theih tawp chhuaha bawhzui turin mawhphurtute chu a chah a ni.

Meri Maati Mera Desh campaign hawnnaah hian Lawngtlai District Rural Development Office (DRDO) Project Director Pi Marilyn Rualzakhumthangi chuan hma lakna tura sawrkar laipuiin state sawrkar kal tlanga a duan hrang hrangte sawiin, he'ng zingah hian zalenna sualtu, zalenna an sual laia thite leh sipai leh state police an duty laia thite hriatrengna lung phun Lawngtlai District-ah 17 phun tura hma lakna chu peih fel ?ep a nih thu sawi a. Tual ?o thing ?iak 75 ?heuh phun turah pawh veng leh khaw tinah ruahmanna siam a ni, a ti.

Meri Maati Mera Desh campaign hawnnaah hian state leh Lai Autonomous District Council (LADC) official-te, village council hruaitute, sipai bang (ex-servicemen)-te, tlawmngai pawl hruaitute leh chanchinbu mite an tel a. Ram leh hnamin hma a sawn theih nan thu tiam rualin, Lawngtlai Sub-Deputy Commissioner Dr Doris Lalrinawmi'n lawm thu sawiin hun a khar a ni.