2203/2026-2027

Lawngtlai, the 14th, September, 2026: Vawiin chawhma dar 11:00 AM khan DC Conference Hall-ah Bawrhsap Pu Donny Lalruatsanga kaihhruaiin District Level Consultative Committee chuan Mizoram State School Drug Policy 2026 (Draft) chungchang sawihoin thutkhawm an nei.

Pu Donny Lalruatsanga chuan kalkhawmte hnena lawmthu sawina a nei hmasa a.Zirna In a ruihhlo hmansual inzirtirna leh venna kalpui te, rilru hrisel leh nun dan dik zirtir leh kawng hrang hranga zirlaite thuam chakna tura duan draft policy chuan rahtha tak a chhuah a beiseiawm a ti a.Department hrang hrangte nena thawhhona tha zawk siam dan turte pawh he policy-ah hian telh a ni a, a tha thawkhat hle ani, a ti. Bawrhsap chuan ruihho bakah zuk leh hmuam la ti lo te venhim that an ngai em em a, Ram tha zawk, thangtharte tana chhenfakawm siam turin School level- atanga kan tan a ngai tiin, theihtawp chhuahpui turin kalkhawmte a sawm a ni.

Thutkhawmah hian Pu H. Sangthanga, District Education Office chuan Mizoram State School Drug Policy, 2026 (draft) tlangpui sawi zauna a nei a.Draft policy- hi chik taka en ho leh sawiho niin tha tih tlan a ni a, belh ngai nia an hriatte chu State Level Committee - ah thlen tha tiin, rawtna panga(5) siam a ni.

Thutkhawmah hian District Level Consultative Committee, Member-te an tel kim tha hle a, Bawrhsap chuan lawmthu sawiin thutkhawm hi a khar.