779/2023-2024

2023 Nikir thla ni 13: Mizoram Legislative Assembly Inthlanpui, 2023-a Lawngtlai District chhunga Electronic Voting Machine (EVM) leh Voter Verifiable Paper Audit Trail (VVPAT) hman turte chu vawiin khan Lawngtlai DC Conference Hall-ah endik a ni.

EVM leh VVPAT first level checking (FLC) nei tur hian a siamtu Electronics Corporation of India Limited (ECIL) aṭangin engineer panga an lo kal a. Election official-te leh political party hrang hrang ai awhte hmuh laiin khawlte hi inthlannaa hman tlak a nih dawn leh dawn loh an endik a. Endikna pal tlangte hi uluk taka chhinchhiah thlap niin, khawih danglam theih loh turin strong room-ah kalh hnan zel a ni.

Tun ṭum inthlannaa hman tur hian khawl thar hlak - EVM Ballot Unit (BU) 6, Control Unit (CU) 50 leh VVPAT 10 lo thlengin, he'ngte hi hman theih a nih leh nih loh enchhinna, user acceptance test (UAT) chu nimin khan DC Conference Hall-ah buatsaih hmasak a ni a. CU pakhat tih loh chu a ṭha vek a. He'ng UAT pal tlang khawl tharte bakah, khawl hman tawh sate nen, a zavaiin BU 282, CU 330 leh VVPAT 296 chu vawiin aṭang khan FLC endikna kalpui ṭan niin, tun kar Inrinni thleng khian ni tin zing dar 9 aṭanga zan dar 7 thleng FLC hi kalpui tura ruahman a ni.