Vawiin khan Lawngtlai District Level Co-ordination Committee on NDD chuan an Chairman, Lawngtlai DC Pu H.Dolianbuaia MCS hovin a pisaah Lawngtlai District-a National Deworming Day 2017 hman dan tur an sawi ho.

National Deworming Day hi February ni 10, 2017-a hman tur niin, naupang kum 1 atanga kum 19 inkarte chu rulhut hlo (Tab. Albendazole) eitir vek tur a ni a. Lawngtlai District chhung hmun hrang hranga zirna in leh anganwadi centre mai bakah, he'nga kal lo naupang dang zawng zawng pawh tuam vek turin ruahman a ni. Hemi atan hian rulhut hlo hi thawn chhuah mek a ni a. He thut khawmah hian NDD chungchanga mipuite hriat tur pawimawh puanzar nan Cable TV Talk Show buatsaih leh Areopagy hmuna banner zar te remtih niin, naupangte'n rulhut hlo hi tha taka an ei theih nan vil zui tur thawktu lam ruat an ni bawk.

He hunah hian chawlhkar tina tleirawlte hnena Iron mum sem thin chungchang pawh sawi ho a ni a. Hemi kalpui chungchanga harsatna awm thinte sawi ho a nih hnuin, thawktute lam atangin rulhut hlo leh Iron ei hian pum lam nuam lo deuh pawh siam mah se, taksa tana tha tur zawk a nih avanga tuar hram hram peih a pawimawhzia ngaihthlak a ni a. Tleirawlte hriselna ngaihtuah tur District Level Adolescent Health Committee leh sikul naupangte hriselna ngaihtuah tur School Health Mobile Team te hma lakna tura thil pawimawhte sawi ho nghal a ni bawk.

He thut khawmah hian Lawngtlai Chief Medical Officer Dr Thani Pachuau leh Health lama thawktu dangte bakah, School Education Department lam hotute leh member dangte an tel a ni.