3521/2023-2024

Lawngtlai dated 25th January 2024: Vawiin chhun khan DC Conference Hall, Lawngtlaiah a ṭum 14-na atan National Voters Day pualin hun hman a ni a. Lawngtlai Deputy Commissioner Pu Cheemala Siva Gopal Reddy, IAS chuan hun hmanpuiin Pi Margaret J Vanlalremmawii, SDO(S) chuan hun a kaihruai a. National Voters Day 2024 pual a Essay leh Painting Competition buatsaih a titha zualte hnen ah lawmman sem nghal a ni.

Pu Cheemala Siva Gopal Reddy, Deputy Commissioner chuan National Voters Day chu thalai kum 18 tling thar ten kan aiawh a rorel tur thlan chhuahna kalphung, Democratic System an hriatchian nan leh hemi kalphung a tel a pawimawh zia inhrilhhriatna hun atan buatsaih a nih thu a sawi a. Mipui duhthlanna tichiang tur leh tichak tur chuan kum 18 tling thar te atang a kum upa ber thlengin vote thlak kan ngaih pawimawh a ṭul thu a sawi. Deputy Commissioner chuan Lawngtlai district-a inthlanna neih tawh dan leh Vote tlak dan te tarlangin vote thlak theih loh chhan harsatna hrang hrang ni thei, inkalpawhna ṭhat lohna te, inbiakpawhna ṭhat lohna te, ziak leh chhiar thiam loh vang te, inzirtirna that tawk loh vang leh khawsak harsatna te tiziaawm tur chuan Sawrkar Department, khawtlang leh tlawmngai pawl hrang hrangte tanrualna leh thawhhona a pawimawh thu a sawi a. Kan khawtlang leh ram tan a mi tha thlang chhuak tur a kan duhthlanna theuh kan vote hmang a tilang chhuak tur a chahin Lawngtlai district chu vote tlak tamna ber district ni tur a tan la turin kalkhawmte chu thawhpui ah a sawm bawk a ni.

Dr. Dorris Lalrinawmi, SDC chuan Election Commission of India atanga thuchah chhiarchhuahna hun hmangin Pu Samuel L Sailo, SDC kaihhruaina hnuai ah Voter Pledge sawi rualna hun hman a ni a. Lawngtlai district chhung a Office hrang hrangah thutiam (Voters Pledge) lakna hun hman a ni bawk.

National Voters Day 2024 Painting Competition-a lawmman la te;

1st Prize Vanlalmalsawmdawngzuala, Govt. Region HSS
2nd Prize Lalfakzuala, Govt. Region HSS
3rd Prize Sanjay Lalnuntluanga, Govt Region HSS
3rd Prize Melody Lalfakawmi, Harvard Higher Academy

National Voters Day 2024 Essay writing Competition-a lawmman la te;

1st Prize Khaute Paulunthang, Lairam Higher Academy of Science
2nd Prize Vanlalmalsawmdawngkimi, Lairam Higher Academy of Science
3rd Prize HC Lalremruatkimi, Lairam Higher Academy of Science