3350/2024-2025

Dated Lawngtlai, 4th December 2024 : Vawiin chawhma dar 11 khan KVIC leh DIC, Lawngtlai tangkawp buatsaihin 'PMEGP Awareness Campaign' DC Conference Hall-  ah neih a ni a. Pu Cheemala Siva Gopal Reddy, IAS, Lawngtlai bawrhsap chuan he hun hi a hmanpui.

Pu Cheemala Siva Gopal Reddy chuan  'PMEGP Awareness Campaign' chhim tura lo kalte hnena lawmthu sawina a nei hmasa a. Sawrkarlaipuiin  ram mipuite dawmkanna tura Scheme hrang hrang a kalpuite chu tangkai tak a hman a tul hle a ti a. PMEGP chu mi harsa zawkten eizawnna bul an tanna  tur leh mahni ke a ding ve thei tur a Scheme tangkai tak a nih thu a tarlang a. Bawrhsap chuan Lawngtlai District chu Ar leh Artui, Sangha leh tualchhunga tharchhuah theih thil tam takah a la intodelh lo hle tih sawiin, PMEGP kaltlanga helam hawia hmalak thar a tul tak  zet thu  a sawi a. PMEGP chungchanga training tura lo kalte chu uluk taka mithiam zawkte zirtirna ngaithla tur leh mahni mai ni lo, ram leh hnam tana hmasawnna thlen tura thawktu ni theuh turin duhsakna a hlan nghal bawk.

PMEGP Awareness Campaign ah hian Shri Nilimesh Sarkar, Executive, KVIC chuan Power Point Presentation hmangin PMEGP Loan kalphungte, Online hmanga loan dildan leh PMEGP chungchanga hriattur paiwmawh hrang hrangte sawifiah leh zirtirna hun a hmang a, zawhna leh chhanna hun hman nghal a ni.

Vawiin PMEGP Awareness Campaign - ah hian Bank lam hotute pawhin  thu sawina an nei a.Loan diltute hnawl an nih fo chhan hrang hrang sawifiahin, hriatthiam loh neite tan zawhna hun siam a ni bawk a, PMEGP chungchanga hriattur pawimawhte chiang tak a inhrilhfiahna hun hman a ni.