Lawngtlai District chhunga 36-Tuichawng (ST) Assembly Constituency hnuaia 36/35-Ajasora polling station-a December ni 4, 2018-a tha thara vote thlak ṭhat (fresh poll) buatsaih tura polling official turte chu vawiin khan Lawngtlai DC Conference Hall-ah District Election Officer Pu N. Chakhai MCS leh Returning Officer-te leh District Level Master Trainer-te'n thil pawimawh hrang hrang hrilhfiahin training an pe.

He fresh poll atan hian tun inthlan neih zawh taka duty-a chhuakte aṭangin polling official team 1 leh reserve team 1 koh an ni a. Vawiin hian an kalna tur Ajasora polling station dinhmun leh harsatna awm theite hrilhfiah an ni a, felfai leh tluang taka inthlan an buatsaih theih nana tih dan tur te kawhhmuh an nih bakah, form hrang hrang hman turte leh EVM enkawl dan te pawh a thara zirtir leh vek an ni.

Polling official turte hi naktuk hian an duty-na tur hmun panin an chhuak ang.