Ni 17.1.2017 khan Nehru Yuva Kendra (NYK), Lawngtlai leh YLA Chawnhu Branch te tang kawp chuan Chawnhua YLA Information Centre-ah skill upgradation training programme an buatsaih.

He hun hi Branch YLA Secretary Pu VR Nghaka Hlawncheu chuan a kaihruai a. Khuallian Lawngtlai BDO Pu Zoramsiama Hmar chuan fuihna thu sawiin, he programme hnuaia thla hnih chhung puan thui (tailoring & embroidery) zirna tur a hawng nghal. Khual zahawm Lawngtlai DHO Pu L.Lalhmingmawia Pachuau pawhin thu sawiin, NYK District Youth Coordinator Pi Mercy Sellate leh puan thui zirtirtu tur Pi KC Lalsangliani te pawhin thu an sawi a. Zawhna leh chhanna leh sawi hona hun hman a ni bawk.

IWMP Lawngtlai Project-I PIA Lawngtlai DHO hma laknain Chawnhu khuaa Pi KC Lalsangliani hi P&ME hnuai atangin Tailor Trade hnuaiah electronic sewing machine leh khawl pangngai pakhat ve ve pek a ni a. Hlawhtlinpui zelin, tunah hian a hnuaiah he puan thui zirna hi hawn niin, a zir tur mi 18 thlan an ni.