993/2023-2024

2023 Nikir thla ni 30: Mizoram Peace Accord 1986 hriat reng nan leh Remna Ni lawmna peng khat atan Lawngtlai District Administration, School Education Department leh Samagra Shiksha, Lawngtlai District te huaihawtin tukin zingkar khan Lawngtlaiah Remna Kawng Zawh (Peace Rally) buatsaih a ni.

Mizoram Legislative Assembly Deputy Speaker Pu H. Biakzaua chuan remna hlutzia leh pawimawhzia sawiin peace rally-a kawng zawhtute a vai liam a. Lawngtlai Bazara Areopagy atanga Chandmary Square thlengin zirlai 100 chuangin remna kawng hi zawhin, kawng zawh tawpna, Chandmary Square-ah District Education Officer, Samagra Shiksha-a District Project Coordinator Pi R. Lalnunthari chuan thu tawi sawiin, peace rally hun hi a khar a ni.