994/2023-2024

Dated Phullen the 30th June 2023: Vawiin khan Phullen Community Hall ah Remna ni vawi 37 lawm na Government Deputy Chief Whip Pu Lalrintluanga Sailo chuan a hmanpui.

He hun hmanna inkhawmah hian Khuallian Deputy Chief Whip, Pu Lalrintluanga Sailo chuan thu sawiin remna ni hmang tura kalkhawmte chu chibai a buk a. Mizoram in hun rei tak zalenna suala a beihna chu Zoram hmun hrang hrangah mipui ten nasa taka ei leh bar leh an nitin nuna harsatna an tawh avangin Mizoram a kohhran, tlawmngai pawl leh mipuite ngenna angin inremna thu ziah a ni, a ti a. Inremna chungchangah sawi tur thui tak awm mahse inremna chu MNF leh India sawrkar inremna nilovin Mizoram leh India Sawrkar inremna thuthlung a ni tih mipuite hriat atan a pawimawh a ni, a ti. Remna thuthlung ziah chu India ram chhunga remna thuthlung awm tawh a hlawhtling leh famkim ber pawl a nih thu a sawi.

Pu Lalrintluanga Sailo chuan remna avangin Mizoram in kawng hrang hrangah hmasawnna a hmu a, amaherawhchu mi thenkhat in politics inbeihna zawng a an lo kuai her thin chu pawi a tih thu a sawi a. Kalkhawmte chu remna hlut zia hre thar a, chhawmnung a, inngeihtlang tak leh in tanpui ho dial dial a awm zel turin duhsakna a hlan bawka ni.

Vawiin inkhawm ah hian Upa Lalrawngbawla chuan hunserh hmangin Remna chu Mizo mipui zawng zawng te ta a ni tih hria a, zoram puma lungrual taka lawm a phu  a ni, a ti. He Remna ni Community hall a hman  hi Phullen a sawrkar leh khawtlang hruaitute leh mipuiten an hmang ho a ni.