995/2023-2024

MP (Rajya Sabha) Pu K. Vanlalvena chuan vawiin khan Mumbai Mizoram House tlawhin House-a thawktute leh mikhual damlo thlengte nen 'Remna Ni' an hmang.

Mumbai Mizoram House-a Remna Ni programme hi Pu H. Lalruatliana, Deputy Resident Commissioner-in a kaihruai a. Pu Vena chuan rambuai hun laia Mizo khawtlang nun a him lohzia leh harsatna nasa tak tawh a nih dante sawiin amah ngei pawhin Mizo tihduhdah tuarte mit ngeia a hmuh thin thu sawiin khatiang hun thim chhah leh hrehawm tak atanga 'Remna leh Muanna' Mizoten an lo nei thei ta chu lawmawm a tih thu a sawi.

Mizoram House-a damlo enkawl mekte chu duhsakna hlanin tuna an nat mekna chu an thihpui kher dawn lo a, huaisen taka Pathian rawn chunga paltlang ngei turin a chah bawk. Pu K. Vanlalvena hian Mizoram House-a thlengte chu tukthuan a eipui a ni.