3982/2024-2025
Dated Lawngtlai, 26th January 2025: Tukin zing dar 7:00 khan India Republic Day vawi 76-na chu Central YLA khelmual, Chandmary, Lawngtlaiah ropui leh urhsun taka lawm a ni a. He hunan hian Pu Cheemala Siva Gopal Reddy, IAS, Lawngtlai Bawrhsap chu khuallian niin,Lawngtlai District chhunga Sawrkar Office hotute, LADC hruaitute, Tlawmngai Pawl hruaitute, School naupang leh mipui thahnem tak he hunah hian an tel.
Khuallian Pu Cheemala Siva Gopal Reddy chuan ‘Republic Day’ lawmna hmun a thlen veleh hian India hnam puanzar pawt pharhin, Parade Contingent-20 in zahna chibai an hlan a chhanglet a, Republic Day thuchah a sawi chhunzawm nghal a ni.
Pu Cheemala Siva Gopal Reddy chuan Republic Day hmang tura kalkhawmte chibai bukna neiin, India in mahni inrelbawl hrang thei tura danpui ‘Constitution’ a neih theihna tura theihtawp chhuahtute zahna chibai a buk thu a sawi a. India Hnam Pa Mahatma Gandhi bakah Subhash Chandra Bose, Dr. BR Ambedkar leh zalenna sualtu dangte, Mizorama zalenna sualtu- Shoorvir Pasaltha Khuangchera, Lalnu Ropuiliani leh midangte hian zah an phu hle tih hriaa, anmahni ngaihsan uar deuh deuh a tul hle a ti a. Bawrhsap chuan India danpuiin dikna chanvo a pek ngaihlu tur leh khua leh tui tha tak ni tura theihtawp chhuah turin Lawngtlai mipuite a sawm a ni. India ram leh khawvel pawhin ngaihhlut em em 'Tlawmngaihna' vawng nung zel tura tan la thar turin mitinin mawhphurhna an nei tih tarlangin, nitin a nunpui zel turin Lawngtlai mipuite a fuih a ni.
Khuallian chuan Mizoram Sawrkar hmalakna pawimawh tak ' Bana Kaih' chu Lawngtlai district chhunga kut hnathawktute hamthatna tura chak taka kalpui a nih thu tarlangin, a hlawkna an hmu thuai dawn a ni, a ti. Lai Autonomous District Council (LADC) leh Chakma Autonomous District Council (CADC) hnuaia department hrang hrang ten mipuite hmasawnna turin - ei leh bar, ran vulh, Sangha khawi, khawpui vawnfai, zirna tih hmasawn leh kawng hrang hranga chak taka hma an lak mek thu a sawi a. A bik takin Sports Department - hmalaknaa '43rd Mizoram State Boxing Championship 2024' a Gold Medal -3, Silver Medal - 2 leh Bronze Medal- 4 lak a ni chu lawmawm a tih thu a sawi.
Pu Cheemala Siva Gopal Reddy chuan Police, Excise leh Central YLA Drugs Reduction Squad (DRS) te'n ruihhlo dona kawnga an hma lakna fakawm a tih thu a sawi a. Kawngpui tha nei tura PWD hmalaknate, tui in tur thianghlim leh hnianghnar nei tura PHED hmalakna zara Lawngtlai district chhungkaw tin hnena tap water connection pek a nih leh kawlphetha changtlung zawk nei tura P&E Department hmalakna chu a chhuanawm hle a ti. Ei leh bara intodelh turin Agriculture, Horticulture, Fisheries leh AH& Vety. Department ten theihtawp an chuah mek zel thu sawiin, ' Bana Kaih' hlawhtlinna turin hma an la mek zel a ni, a ti. Bawhrsap chuan MNREGA, PMAY leh MzSLRM tha taka kalpui a nih thu tarlangin,DCSO kaltlanga buhfai eitur hnianghnar taka sem a nih thu a sawi bawk.
Khuallian chuan Lawngtlai District chhunga Tlawmngai Pawl hrang hrang, Kohhran, Chanchinbumite leh mipuite nen thawhhona tha tak a awm thu sawiin, Lawngtlaiin hmasawnna rahbi thar a kaina tura theihtawp chhuahpui zel turin a sawm nghal bawk.
Vawiin Republic Day vawi 76- na lawmna ah hian Parade Contingent 20 - Armed Contingent -1, Unarmed Contingent- 7 leh School Contingent -11 leh Pipe Band- 1 awm in, Parade Commander hi ABSI PC. Chuaudinga, 3rd IR Battalion, Thingkah a ni a, 2nd Commander hi ABSI Chuman Prasad Ray, 3rd IR Battalion, Thingkah niin, Jehova Jireh English School- ten National Anthem an sa bawk a. Parade Contingent-te lawmman lak dan chu hetiang hi a ni:
Unarmed Contingent
Pakhatna - NCC, Don Bosco School
Pahnihna - Don Bosco School Scouts and Guides
Pathumna- Ngurnunsangi High School Guides
School Contingent
Pakhatna -South Heath Academy School
Pahnihna - Ngurnunsangi High School (Boys)
Pathumna -Vista English School
Ceremonial parade lawmman bakah hian 'Republic Day' pual hian chawimawina leh lawmman hrang hrang a hnuaia tarlan ang hian sem a ni bawk a, Khuallian Pu Cheemala Siva Gopal Reddy chuan lawmman hi a sem a ni.
1. Civil Award/ DC Awards for Excellence in Government Services
a) Pu Netralal Jaisi- Sr. EE, PHED
b) Pu Ramdinsanga - EE, P&E
c) Pu Thansiama- Dy. Secretary, GAD, LADC
d) Dr. Malsawmtluanga- M.O. Bualpui 'NG'
e) Cpt. Manyak Raghav- 71 RCC
2. Republic Day Volleyball Tournament
a) Men'sChampion - Lawngtlai Vrngpui Volleyball Club
b) Women's Champion- Anngu Volleyball Club, Chawnhu
3. Republic Day Badminton Tournament
a) Men's Single Champion - Mano Malsawmdawngliana
b) Under 17 Boys Champion- Rafael Vanlalthuama
c) Under 15 Girls Champion - Malsawmhluzuali
4. Meritorious Sports Persons
a) Malsawmsangi - 10m Air Rifle ( Sub - youth)
b) A. Lalrinsangi - 10m Air Rifle ( Sub - youth)
c) Grace Malsawmropuii-10m Air Rifle ( Sub - youth)
d) C. Hmingthanpuia -10m Air Pistol ( Sub - youth)
5. Institutional Gifts
a) District Hospital, Lawngtlai
b) Lairam Christian Medical Centre & Hospital, Lawngtlai
c) Christian Hospital, Lawngtlai
Thisen unit- 50 aia tam petu mi - 8 hnenah lawmpuina Certificate hlan niin, ' Cleanliness Competition 2024' a category hrang hrang - Locality, Offices, Educational Institutions, Other Educational Institutions, Hotels leh Restaurants- a lawmman pakhatna atanga pathumna hauhtute hnenah lawmman hi hlan a ni bawk.
76th India's Republic Day - lawmna puala Khuallian thusawi kimchang hi a hnuaia link- ah hian en leh chhiar theih a ni e.
Khuallian thusawi chhiar duh tan a hnuai link-ah hian tarlan a ni.
Attachment
- Loading attachment...
