1713/2024-2025

Dated Lawngtlai, 23rd August 2024 : Urban Development & Poverty Alleviation (UD&PA)  Department, Lawngtlai hmalakna hnuaiah 'Safai Apnaa Bimaari Bhagao  (SABB) Campaign' chu kalpui  mek zel a ni a. He Campaign hi 15th July - 31st August, 2024   chhunga kalpui tura ruahman a ni. 

Safai Apnaa Bimaari Bhagao (SABB) hnuaiah hian Lawngtlai khawpui a lo fai a, a lo thianghlim zelna turin kawng hrang hranga hmalak mek zel a ni a, tun  dinhmuna hmalak tawhnate chu a hnuaiah hian  tarlan  a ni.

1. Lawngtlai District chhunga Zirna in hrang hranga zirlai leh zirtirtu ten  Zirna In leh a compound -  tihfai hnatlang an nei tawh. 

2. UD&PA Department, Health & Family Welfare Department leh PHED, Lawngtlai tangkawp ten  Zirna In hrang hrang  leh Anganwadi Centre-  ah 'Awareness Campaign' an nei a.  Awareness Campaign -ah hian 'Stop Diarrhoea Campiagn' kalpui  nghal nibawkin, Faina leh Thianghlimna, hriselna inzirtirna bakah   tui tlan/in mek  thianghlim leh thianghlim loh enfiahna hun hman thin a ni bawk.

3. Lawngtlai khawpui chhunga veng hrang hrang ten mahni vengah faina hnatlang runpui ko in,  mahni veng tihfai hnatlang nei mek zel a ni.

4. Lawngtlai -III Village Council leh YLA tangkawp chuan 'Helipad' leh 'Prayer Mount'  kal kawnga sarang leh plastic  thenfai hnatlang an nei.

5. KMMTTP  kawngpui sira bawlhhlawh duh duh na hmuna paih thin (Garbage Vulnerable Points)   chu JCB nen then fai a ni a.  NSS, Government Region Higher Secondary School (GRHSS), Sanitation Department (LADC) leh UD&PA Department, tangkawp chuan KMMTTP kawng dung leh kawng sira sarang leh  plastic- te thenfai hnatlang an nei bawk.

7. UD&PA,  Sanitation Department (LADC) leh NSS, Government Region  Higher Secondary School (GRHSS) tangkawp hmalaknain, KMMTTP kawngpui sira bawlhhlawh paih fo na (Garbage Vulnerable Points) ah bawlhhlawh paih tawh lo tura hriattirna (signage) tar a ni. 

Safai Apnaa Bimaari Bhagao (SABB) hmalakna kal zelah hian Urban Development & Poverty  Alleviation (UD&PA) chuan thuchhuah siamin, Lawngtlai khawpui chhunga cheng mipuite bawlhhlawh paihna hmun uluk tur leh Sanitation Department, LADC ten KMMTTP Road-a  bawlhhlawh paihna hmun an buatsaihah chauh bawhhlawhte paih thin  turin Lawngtlai mipuite an ngen nghal bawk.