1714/2024-2025

Siaha the 23rd August, 2024 : Vawiin chawhma dar 11 khan Bawrhsap Pu VL Hruaizela Khiangte kaihhruaina hnuaiah District AIDS Prevention & Control Committee (DAPCC) Siaha te chuan DC's Mini Conference Hall-ah Intensified IEC Campaign, 2024 hman dan tur relin thutkhawmna neih a ni. 

Vawiin thutkhawm chuan Intensified IEC Campaign denchhen hian August Ni 29 zing dar 6:30-ah kawng zawh (rally) neih ni se tiin a rel a, Rally hi Siaha District DC in a vailiam (flag-off) dawn a ni. He kawng zawhah hian Siaha khaw chhunga Middle School, High School, Higher Secondary School leh College zirlaite a tam thei ang bera tel tura sawm ni se tiin Photobooth Competition, Flash Mob Dance, Debate Competition buatsaih ni se tiin College zirlai ten Stall siam se tiin an rel bawk. Intensive IEC Campaign-ah hian Siaha District chhunga School hrang hrangah HIV/AIDS chungchang  inhrilhhriatna Campaign kalpui ni se an ti a, mipuiin an hriat chian zawk nan in tinah HIV/AIDS chungchang inziahna/IEC materials semchhuah leh Auto Rickshaw/Taxi/Sumo etc., ah HIV/AIDS chungchang inziahna sticker pekchhuah/ tar tir leh Siaha Town hmun rem laiah Hoarding siam ni se tiin an rel bawk a ni.

September thla vek hian DAPCC chuan Red Ribbon School Quiz Competition a buatsaih leh dawn a, Class 8, 9 leh 11 zirlaite a tel ang. School Level Competition hi September ni 18, 2024 a buatsaih tura ruahmanna siam a ni.