Vawiin khan Lawngtlai DC Conference Hall-ah Addl DC Dr Andrew H. Vanlaldika MCS hovin Swachh Bharat Mission (Gramin), Lawngtlai District district level meeting neih a ni.

He hunah hian Swachh Bharat Mission (Gramin) kal tlanga Lawngtlai District-a hma lakna hrang hrang leh hmachhawp te sawi ho a ni a. Hma lak zel dan tura rawtna te pawh sawi ho a ni.

PHED Lawngtlai WATSAN Division hotute chuan Lawngtlai District chhungah kum 2012-a Baseline Survey beh chhanin ek in 21921 sak a nih tawh thu leh Lawngtlai District chu kawng hrang hranga endik a nih hnuah pawnlera inthiar awm tawh lohna (Open Defecation Free) District-ah puan a nih tawh thu an sawi a. Tunah hian ODF Plus hnuaiah khawtlang thianghlimna atan felfai zawka bawlhhlawh paih a nih theih nan hma lakna kalpui mek a nih thu leh khaw 42-ah bawlhhlawh paihna (dumping ground) siam a nih tawh thu te, khawlaiah bawlhhlawh bawm hun a nih thu te bakah, khaw 26-ah Community Sanitary Complex siam a nih thu te tar lan a ni a. Faina lama khaw dangte'n an entawn theih tura hma lak bingna tur Swachh Bharat Mission Model Village atan Saizawh East khua thlan a nih thu leh hma lakna kalpui ?an a nih tawh thu te pawh tar lan a ni bawk.