Khawvel pum huapa vaihlo leh a kaihhnawih dona ni "World No Tobacco Day" pualin tukin zingkar khan Lawngtlai Areopagy-ah hun hman a ni a. Hun hman zawhah Lawngtlai khawpui kawngpui dunga meizial bung leh bawlhhlawh te chhar fai nghal a ni.

He huna khuallian Lawngtlai SDC Pu Lalsanglura chuan mihring taksa a lo hrisel nan te, kan thianghlim theih nan te, sum leh pai kan khawl theihna tur te'n mei zuk kan bansan a pawimawh tiin, zirlai kal khawmte chu zuk leh hmuam tih chhin chakna hneh a, taksa tichhe thei laka inthiar fihlim turin a chah a. Zuk leh hmuam laka inthiar fihlim chu changkanna leh mi zahawm nihna a ni tiin, mahni tana ?angkai lo tih hriat sa renga sum leh pai sen chu thil finthlak lo tak a ni, a ti.

District Hospital Lawngtlai-a Gynaecologist Dr Lalduhawma chuan World No Tobacco Day thupui, "Vaihlovin chuap a khawih chhiat theih dan (Tobacco and Lung Health)" tih hmangin thu a sawi a. Mizoram chu India rama cancer vei tam berna state a nih thu sawiin, India rama cancer vei 67% (za zela 67) chu Mizorama cheng an nih thu a tar lang a. Mizorama cancer vei tam chhan nia mi thiamte'n an sawi chu vaihlo leh a kaihhnawih ti kan tam vang a ni tiin, chuap cancer hmun thuma ?hena hmun hnih chu vaihlo kaihhnawih tih ?hin vang a ni, a ti a. Naupan lai a?anga mei zu te, mi dang mei zuk khu hip luh avang te, naupai laia mei zuk chingah te hian natna hlauhawm tak cancer bakah, TB vei theihna a sang hle a ni, a ti bawk.

Vawiin hun hi District Hospital Lawngtlai-a Medical Superintendent Dr Zothanpari Chhakchhuak chuan kaihruaiin, hun hman zawhah zirlai naupang kal khawmte nen hmun 4-ah in?hen darhin, Lawngtlai khawpui chhung kawng dung leh khawlaia bawlhhlawh, a bikin meizial bung paihte chhar faiin hnatlang thawh zui nghal a ni.

Kumin World No Tobacco Day pual hian nimin leh vawiin khan phal lohna hmuna mei zu vaiin Lawngtlai District Anti-Tobacco Squad chuan Lawngtlai khawpui chhung hmun thlan bikah squad drive an nei bawk.