Department of Drinking Water and Sanitation, Public Health Engineering Department hma lakna hnuaia "Sujal and Swachh Gaon" kalpui tura Lawngtlai leh Bungtlang 'S' block huam chhunga trainer turte chu vawiin khan Central YLA Hall, Lawngtlaiah training neihpui an ni.

Village level trainer atan hian Lawngtlai block leh Bungtlang 'S' block khaw tin atangin WATSAN member pahnih theuh ruat an ni a. He trainers' training hi ni thum awh tur niin, Lawngtlai block atangin mi 40 leh Bungtlang 'S' block atangin mi 51 an tel a ni.

Training-ah hian WSSO System Analyst Er Helen Saibuangi leh consultant pahnih bakah, PHED Lawngtlai WATSAN Division atangin Executive Engineer Er Netralal Jaisi leh resource person dangte'n zirtirna an pe ang a. Training chhung hian khaw tina faina leh thianghlimna bakah, tui thianghlim hnianghnar zawka neih theih dan tur inzirtir a nih dawn bakah, field visit te pawh neihpui tura ruahman a ni.