Art & Culture Department leh North Vanlaiphai Joint YMA buatsaih Cultural Meet chu vawiin khan Supply Tlang, North Vanlaiphaiah neih a ni a. Pu B. Lalthanliana Secy Art & Culture dept chu khuallian a ni a. Pu R. Hmingthanzuala, Director Art & Culture dept chu Khual zahawm a ni.

Khuallian Pu B. Lalthanliana chuan thusawiin Mizo hnam inpumkhatnan te, Mizoten hma kan sawn zel na turin kan hnam tih dan leh chin dan thin te kan ngaihhlut a, kan chawinun zel angai a ni, a ti a. Pu R. Hmingthanzuala pawhin Mizoram chanchin leh khaw hrang hrang te lo din chhoh dan te hre turin ziaka thil hnutchhiah leh zawn chhuah a, chhiar tam a ngai a, a ti a. Record fel faia taka vawn zel hi kan hnam hian a mamawh a ni, a ti bawk.

N Vanlaiphai Cultural Meet ah hian N Vanlaiphai khaw chhung bakah Lungkawlh khua atangte in Branch YMA, MHIP leh MUP branch hrang hrangten Mizo hnam lam chi hrang hrang an entir a ni.