PHE Department hnuaia Swachh Bharat Mission (Gramin) hma laknaa September ni 15 atanga October ni 2 thleng awh faina beihpui thlak Swachhata Hi Seva 2018 chu tukin khan Lawngtlai Bazar Venga Areopagy-ah Lawngtlai District tana a kharna hun hman a ni.

He hun hi Lawngtlai PHED Executive Engineer Er Laltlanchhunga'n a kaihruai a. Central YLA Vice President Pu HC Vanlalruatpuia leh LADC-a Sanitation Officer Pu Lalhmunsiama te'n faina pawimawhzia leh mipuite fuihna thu tawi an sawi a. Swachhata Hi Seva 2018 pual marathon leh Lawngtlai khawpui chhung veng fai inelna lawmmante sem nghal a ni.

Swachhata Hi Seva 2018 pual hian PHED leh Central YLA te tang kawp chuan tukin khan marathon cleanliness rally an buatsaih a. Marathon hi Lawngtlai khaw pawn km 10 Nalkawn atanga Areopagy thleng tlan niin, hetah hian Lawngtlai khawpui chhunga YLA branch 12 atangin mi thahnem tak an tel a. Mipa lamah Lalhmangaihzuala, College Veng chu pakhatna niin, pahnihna Beihropatha, Lawngtlai-III leh pathumna HC Lalzuiliana, Bethel Veng te an ni a. Hmeichhe lamah pakhatna Maria MS Dawngkimi, AOC Veng, pahnihna Rosalin Lalnutei, Lawngtlai Vengpui leh pathumna Lalduhawmi, AOC Veng te an ni a. Branch tel tha ber AOC Veng branch, pahnihna Bazar Veng branch leh pathumna Chandmary branch te lawmman siamsak an nih bakah, branch dang zawng participation prize hlan an ni bawk.

Swachhata Hi Seva 2018 puala Lawngtlai khawpui chhung veng fai inelna buatsaihah Lawngtlai Vengpui-II chu veng 12 zinga fai berah thlan a ni a. College Veng chu pahnihna niin, Bethel Veng chu pathumna an ni a. Veng dang pathum - AOC Veng, Bazar Veng leh Chawnhu te chuan consolation prize an dawng bawk

Attachment

  • Loading attachment...