Vawiin khan Lawngtlai Press Club Conference Hall-ah Lawngtlai District Sericulture office, Research Extension Centre leh Central Sericulture Board, Aizawl buatsaihin Lawngtlai District chhunga thingtheihmu chingtute tan cashless transaction leh thingtheihmu enkawl dan training neih a ni.

He training-ah hian Mizoram Rural Bank Lawngtlai Branch-a mi Pi C.Liansangpuii chuan pawisa fai chelek lova tunlai thiamna hmanga indawr tawnna chungchang sawi fiahin, Unified Payment Interface (UPI) for Cashless Transaction chungchangah kal khawmte'n hriat fiah loh an neihte a hrilhfiah a. Pawisa fai chelek lova indawr tawnna chu nasa zawka kalpui zel tur a nih avangin kut hna thawktute pawh an lo inbuatsaih a ngai a ni, a ti.

Training-ah hian thingtheihmu chingtu kal khawmte chu District Sericulture office-a mi thiamte'n zirtirna pein, mi thiamte'n kaihhruaina an siam anga thingtheihmu chin a nih chuan enkawl a nuam a, thar chhuah pawh a tam bik thu te, mahni ngaihdan hmanga kut hna thawktute'n an lo tih ve ngawt chu an hahpui ang huin a hlawk loh thu te tarlan a ni a. Thingtheihmu pangang enkawl dan leh kut hna thawktute'n pawisa tam tham zawk an lak luh theih dan tur te kal khawmte chu zirtir an ni.