State Institute of Rural Development & Panchayati Raj (SIRD&PR)-in Lai Autonomous District Council (LADC)-a MDC-te leh senior officer-te tana thingtlang mite hma sawnna tur ruahmanna siam dan chungchang zir hona (training) an buatsaih chu vawiin khan Lawngtlaia SSA BRC Hall-ah Lawngtlai Bawrhsap Pu N. Chakhai MCS chuan a hawng.

Pu N. Chakhai chuan an khua leh anmahni ngei pawhin hma sawnna tak tak an neih theih nan mipuite'n ruahmanna an siam thiam lo va, hma sawnna kawng dik zawh tur chuan a hma latu sawrkar mi pawimawhte'n ruahmanna siam dan an thiam a tul tak zet a ni tiin, ruahmanna tha tak hnuaia hna thawh a nih chuan hma sawnna pawh a chak thin a ni, a ti.

Ministry of Gram Panchayati Raj-in hriattirna a chhuah angin, thingtlang khuate'n hma sawnna tluantling an neih theih nan Village Development Plan (Gram Panchayati Development Plan) siam a, hemi zul zuia hna thawh a nih tur thu SIRD mi thiamte chuan sawiin, thingtlang khuate hma sawn nana hna thawh hmasak tur leh, hma sawnna chu inkhaidiat chhova a kal theih nana ruahmanna siam dan te kal khawmte an zirtir a. Chawhnu lamah group-ah inthenin, sawi hona hun hman a ni bawk.

Village Development Plan siam dan zir honaah hian SIRD&PR Mizoram atangin Senior Core Faculty Pu Khawlsiamthanga Khawlhring leh Faculty (Social Mobilization) Pu John Lalnunsanga te'n an zirtir a ni.