Ni 10.8.219 (Inrinni) khan District Transport Office, Lawngtlai leh Lawngtlai Autorickshaw Drivers & Owners Association te tang kawp chuan Lawngtlai DC Conference Hall-ah Traffic Rules chungchang zir hona hun (sensitization workshop on Traffic Rules) an buatsaih.
He hun hi District Transport Officer (DTO) Pu Lalremruata Sailo chuan kaihruaiin, Lawngtlai khawpuiah autorickshaw khalha ei zawng eng emaw zat an awm a, ni tina an tlannaah traffic dan zawm loh avang leh hriat loh avang paw'n harsatna an tawh theih thu te sawi langin, Lawngtlai hmel lanna an nihna lai a awm avangin training-a an thil zirte chu ngun taka zir a, a taka hmang chhuak nghal zel turin driver kal khawmte chu a chah a ni.
He workshop-ah hian Lawngtlai Motor Vehicle Inspector (MVI) Pu Joseph L. Pachuau leh Lawngtlai District Police-a Inspector Pu LP. Zohmangaiha te hnen atangin traffic dan chi hrang hrang leh driving manner te ngaihthlak a ni a. Ni tin khawpui chhunga lirthei veivak tam ber autorickshaw khalhtute'n traffic rules leh chet dan mawi an hriat tawk loh avanga mipuiin harsatna an tawh theih dan te leh autorickshaw khalhtute paw'n harsatna an tawh theih dan te he hunah hian sawi lan a ni.
He hunah hian Lawngtlai khawpui chhunga autorickshaw khalhtu leh neitu thahnem tak an tel a. Zawhna leh chhanna hun hman a ni bawk
