3606/2023-2024

Lawngtlai dated 1st February 2024: Vawiin chawhma khan Chief Judicial Magistrate pisaah Pu Vanlalenmawia, District & Session Judge, Lunglei Judicial District kaihhruaina in thubuai ngaihtuah lai Jail tang ‘Under Trial Prisoner’ te chungchang leh ‘The Mizoram Victims of Crime Compensation (Amendment) Scheme 2016’ hnuai a dilna lutte sawihona hun neih a ni a. He hun ah hian hian Pu F.Rohlupuia, Addl. Session Judge, Pu Cheemala Siva Gopal Reddy, IAS, Deputy Commissioner, Pu R.Lokeshwaran, IPS, SP, Pu Hmingthanzuala, DIPRO, Pu C.Lalremsanga, Judicial Magistrate, Pu HC Hratliana, Superintendent, District Jail, YLA leh LWA hruaitute an tel a, Pi Jothansangi Tlau, CJM chuan dilna lutte sawizauna hun a hmang a ni.

Pu Vanlalenmawia, District & Session Judge chuan mahni mihring pui leh khawtlang tan a hnawksak leh harstana siam, dan bawhchhetute chuan an phu ang tawk hremna an hmuh ngei theih nan dan an bawhchhia a ni ni tih finfiahna felfai tak neih a pawimawh thu sawiin hemi tur hian heng kaihhnawih a thawktu Department, tlawmngai pawl leh khawtlang hruaitute inkar ah thawhhona tha a awm a pawimawh thu a sawi a. Thahnemngaih luat avang a mimal leh pawl ang a dan bawhchhetute dap leh man chhuahna kawngah dan hnuai a kan tih theih chin leh tih loh tur chin hriat a pawimawh thu leh Sawrkar hnuai a thuneitute hmalakna ngaihchan thin a tul thu a sawi bawk a ni.

Vawiin thutkhawmna ah hian Court-in an chungthu a ngaihtuah mek,’Under Trial Prisoner’ Jail tang mi 7 chungchang sawi ho a ni a, ‘Victims of Crime Compensation Scheme’ hnuai a zangnadawmna dawng tur a dilna lut 7 chu uluk tak a ngaihtuah a ni. Heng dilna 7 atang a dilna 4 chu ngaihtuah that leh tur a tih niin dilna 2 chu pawm sak an ni a, 1 chu hnawl sak a ni. Lawngtlai district Jail-a awm mekte inenkawlna kalpui dan, hriselna dinhmun leh ei leh in pek an nih dan te ngaihthlak niin February chhung hian Mental Health Camp neih hman beisei a nih thu tarlan a ni bawk.