3605/2023-2024

Mamit 1st February, 2024 : Vawiin khan Siamliana Hall, Mamit-ah VDVK Level Advocacy Programme on PMVDY hnuaiah Mamit District Cooperative Department kaltlangin Mamit Hmarveng VDVK Society members te tan training neih a ni a. Training hi Pu Lalthangfala, District Cooperative Officer chuan a telpui.

Pu Lalthangfala chuan India ram Prime Minister-in Tribal mipuite'n kan thlaitharchhuah/dehchhuah hmang tangkaia sum chang leh thei kan duanchhuah theih chu he scheme hian a tum a nih thu a sawi. He Scheme hnuaia hmalakna atan hian Cooperative Department chuan Mamit Hmarveng VDVK chu a thlang a, scheme hmang tangkaia, scheme in a tum ti hlawhtling ngei turin kalkhawmte a sawm a, taimakna leh rinawmna nena beih chu Sawrkar duh dan a ni a, retheihna atanga khaichhuah kan nih theihna atana taima taka training turin a chah bawk.

Hmarveng Area Level Federation hi kum 2022 khan din a ni a, 2023 March ni 5 ah Cooperative Society-ah in register-in, an ni hian Self Health Group ( SHG) 12 an enkawl mek a. Tunah hian Dispo cup 150 ml an siamchhuak mek a, Plate leh Bowl siamna tur khawl bun tawh niin siam tura hmalak chhoh mek a ni bawk.

Vawiin Training hi Pi K. Lalzamliani, Chairman, ALF Mamit Hmarveng chuan a kaihruai a, Mamit Hmarveng huamchhunga Self Health Group members te an tel a ni.