June ni 11, 2017-a Union Home Minister Pu Rajnath Singh-a’n Lawngtlai District-a Parva khua a tlawh huna lo dawnsawn dan tur ngaihtuahin Lawngtlaia department hrang hrang hotute chu vawiin khan Addl DC Pu H.Dolianbuaia MCS hovin a office chamber-ah an thu khawm.

He hunah hian thil tul leh pawimawh hrang hrang ngaihtuah ho niin, mawhphurhna hrang hrang insem tlan a ni a. Tluang taka eng kim a kal theih nan ruahmanna fel tak nena lo dawnsawn ni se, tih a ni a. Home Minister hian a hriat duh ang te awlsam taka a hriat theih nan department hrang hrang hma lakna dah khawmna bu buatsaih ni se, tih a ni bawk.